海味迷思 - 壹玖陸捌海味乾貨專家

商品總數的上限為 100 件，請調整數量再點擊購買

「回南天」，我哋可以點存放海味食材💭💭💭？

我哋可以大致上將海味食材分為3類儲存方法

📍宜放進雪櫃保存的食材

冬菇、海參、蝦米、吉品乾鮑、元貝、花膠、臘腸、螺頭

📍宜放進冰格保存的食材

蠔豉、急凍螺頭、已浸發花膠

📍宜恆溫保存的食材

淮山、雪耳、北芪、黨參、紅棗、果皮

咁就可以減少天氣變化對食材嘅影響啦～

重量單位換算

去海味街買海味多數以斤或者両嚟做買賣單位，但係去街市買餸多數公斤或者磅嚟做買賣單位。

大家有冇迷思，斤同公斤有咩分別呢？

為大家準備咗個參考

1️⃣ 用清水把花膠完全浸透至軟身
一般浸過夜就得，如果花膠又大又厚就有可能浸耐少少啦

2️⃣ 煲滾水，中火煮10分鐘
加入薑、蔥一齊煲去腥

3️⃣煲完熄火，冚蓋焗15分鐘
過一過冷河就搞掂

話說呀妹拎啲乾瑤柱出嚟影相，見到上面有白色點點個心離一離啊。放左響度1星期就發咗霉？

原來個啲係鹽花，係因為乾瑤柱太乾身造成。

抹一抹就可繼續煮食用。

發霉係綠色架，聞落都會失去鮮味。

唔好見到有鹽花就掉咗佢，浪費食物啊！

建議儲存方法：

✨ 放密實盒儲存，避免乾瑤柱同與空氣中水份嘅接觸

✨ 若然天氣好潮濕或是要存放較長時間，可放入雪櫃

冬菇其實係統稱，冬菇可分為花菇、寸菇、厚菇等等，以花菇最為高級。

花菇種類可簡單分為：
天白花菇：爆花程度最高的，是冬菇中的名牌
花菇：有明顯爆花裂縫
茶花菇：爆花裂縫較少
寸菇及花寸菇：寸菇嘅菇傘大小一寸以下，花寸菇即是菇傘大小一寸以下又有爆花
厚菇及厚花菇：厚菇菇傘明顯較厚，厚花菇即是菇傘明顯較厚又有爆花

咁爆花有咩好？
原來天氣寒冷時，冬菇為存更多營養，經過霜凍乾燥天氣，菇面造成「龜裂狀態」，形成花紋。